Сіз Иеміз сіздерге молынан а? батасын жаудырсын дейсіз, Батаны? ма?анасы тілек, д??а дегенді білдірмейма? Негізінен батаны біз жасаймыз Жарат?ан иемізге себебі біз ??лмыз, ал ол Жаратушы ие емес па? ол кімге бата жасама?шы?

Қымбатты бауырым!!!
Сұрағыңыз үшін үлкен рақмет. Сіз өте орынды сұрақты қойып отырсыз. Өйткені біздің көптеген бауырластарымыз, әсіресе қазақ халқы осы туралы көп біле бермейді. Енді тікелей сұрағыңызға тоқталар болсақ, біздің халқымыздың арасында «Құдайдан түскен төрт кітап бар» деген түсінік бар. Олар, Таурат, Забур, Пайғамбарлар жазбалары және Інжіл. Бұның бәрін біріктіріп біз оны «Киелі кітап» дейміз. Міне сол Киелі кітапқа сүйенетін болсақ, Таурат бөлімінде тұп атамыз Ыбырайымға берген Жаратқан Иенің ақ батасы бар. Жаратылыстың басталуы кітабы, тарауы 12:1-3 аяттарда былай делінген; «Жаратқан Ие Ыбырамға сөзiн арнап былай деп бұйырған едi: — Сен елiңдi, туған-туысқандарыңды және әкеңнiң үйiн тастап, Мен өзiңе көрсететiн елге көш! Мен сен арқылы ұлы халық жасаймын, Сенi жарылқаймын да атыңды шығарамын. Менiң ақ батам сен арқылы басқаларға да жететiн болады. Саған ақ батасын бергендерге Мен де ақ батамды беремiн» Бұл Жаратқан Иенің сөзі, яғни Ол Ыбырайым атамызды адамдардың арасынан таңдап алып, оған ақ батасын беріп отыр және сол арқылы барлық халықтарға ақ батамды беремін деді. Сонымен қатар, Таурат кітабына ары қарай көз жүгіртетін болсақ, Жаратушы Ие басқа да пайғамбарларға соның ішінде атап кететін болсам, Ысқақ, Жақып тағы басқаларға ақ батасын беріп, ұрпақтан ұрпаққа тілеген батасы жалғаса берген. Ал егер Інжіл кітабын да оқитын болсақ, Иеміз Иса Мәсіхтің шәкірттері, яғни елшілер бір-біріне ақ бата тілеп, Құдайдан жарылқаулар сұраған. Інжіл кітабы Тімотеге арналған екінші хат, тарауы 4:22 аятта былай делінген; «Жаратқан Ие жар болып, рухыңды жiгерлендiре көрсiн, Оның рақымы бәрiңе де жауа берсiн! Аумин» Сондықтан біз Құдайға сенушілер ретінде Жаратқаннан алған ақ батамызды басқаларға да тілеп, дұға ете аламыз. Сонда Құдай Тағала біз арқылы басқаларды жарылқайтын болады.
Аумин!!!